多功能帆布袋
帆布最初係用來做船帆，單由呢個功用就可以睇出帆布的質地：堅韌、柔軟、防水。呢三種特性再加上實用，被睇中成為時裝飾品的用料亦理所當然，只不過，如果你以為帆布袋只停留在簡單、粗糙卻實用的階段，以下介紹的五個帆布袋將會改寫你對帆布的觀感！
呢個Fendi帆布牛角手袋用料固然沒有真皮這樣昂貴，但係手袋用的光身帆布經過特別處理，並唔係普通帆布。即使唔計用料，只靠它的手工就已經值回票價──手袋兩側的壓線斜紋係Fendi的另一個標誌。金融風暴下，經典的真皮牛角手袋靚女們可能唔捨得買，不妨諗諗呢個特別的帆布袋！
Lancel所走的路線一向都係英式淑女的高貴路線，08春夏季帕妮耶系列（Pagne）的呢個印花棉質帆布袋更Crossover抽象藝術，袋上的圖案除了係用波普風格畫成外，其實更表達了一個愛情故事。白色為主色的手袋容量大，配以藍色作點綴，加上手挽位用了粗棉繩織成的船纜繩，洋溢的海洋風最適合大家去海灘時用了！
Hermes最造福女性之舉莫過於在1997年開始推出帆布製的Garden Party Bag。講真買名牌都係為了它的手工，用料反而唔係最重要。呢款手袋可以講係經典中的經典，簡約的款式，樸實的顏色，實在係每位Hermes推崇者應該擁有一個的手袋。
Lacoste向來以生產休閒服以及運動風的產品為名，呢款袋亦唔例外。硬身白色帆布配上黑色皮革，雖然係運動用的手袋，卻不失優雅品味。挺身的手袋質地亦可以保護入面的東西。將運動連上高貴，大概Lacoste係第一家。
Lacoste向來以生產休閒服以及運動風的產品為名，呢款袋亦唔例外。硬身白色帆布配上黑色皮革，雖然係運動用的手袋，卻不失優雅品味。挺身的手袋質地亦可以保護入面的東西。將運動連上高貴，大概Lacoste係第一家。
同樣由Hermes出品以帆布製成，與Garden Party Bag走上另一極端之作──Marwari手袋。今年Hermes的主題係「印度」，故此你會發現手挽的橙色以及袋身黃褐色呢兩種印度香料的顏色。新作的馬耳造型亦係為了紀念印度名種馬，袋身由牛皮以H紋洗水布製成，質感一流。與其他明顯充滿民族味道的作品相比，呢個手袋更顯得簡約及低調。
